Gwenladenniñ a ran

Pouezus eo d’ar mirdi aesaat deoc’h ober anaoudegezh gantañ hag ober ma vo ho kweladenn ar c’haerañ ma c’hallo !
Pouezus eo evidomp en em santfec’h mat er mirdi, e c’hallfec’h deskiñ, kenlodañ, dizoloiñ, bezañ e darempred gant an oberoù, santout fromoù, kompren… ha kement-se diouzh ho lusk !
Gwelet amañ-dindan ar rannoù a ya d’ober hon troiad pad.

Steuñv ar mirdi

Pellgargañ steuñv ar mirdi

Marie LUPLAU, Koad Amour e Pont-Aven (Le Bois d'Amour à Pont-Aven)

Marie Luplau, a-orin eus Danmark, a oa e-mesk ar strollad tud eus Skandinavia a oa o vevañ e Pont-Aven e fin an XIXvet kantved. Plijout a rae d’an arzourez livañ ar gweledvaoù diwar natur. Livañ a rae he zaolennoù en he atalier diwar brastresoù graet ganti war ar prim. Un nebeud bloavezhioù a-raok Paul Sérusier hag Émile Bernard he doa taolennet Koad Amour hag an alez faou en un doare realour, e doare skol Barbizon, o lakaat evezh bras ouzh ar munudoù.